ԲԴԽ անդամը հրաժարական է ներկայացրել

ԲԴԽ անդամ Լիպարիտ Մելիքջանյանը հրաժարականի դիմում է ներկայացրել։

Ըստ ԲԴԽ հայտարարության՝ «Հիմք ընդունելով Բարձրագույն դատական խորհրդի անդամ Լիպարիտ Ռոբերտի Մելիքջանյանի կողմից 2022 թվականի հուլիսի 4-ին ներկայացված հրաժարականի վերաբերյալ դիմումը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 86-րդ հոդվածի 1-ին մասի 5-րդ կետով և 2-րդ մասով, 160-րդ հոդվածի 1-ին մասի 1-ին կետով և 2-րդ մասով, 89-րդ հոդվածի 1-ին մասի 17-րդ կետով, 94-րդ հոդվածի 1-ին մասով` Բարձրագույն դատական խորհուրդը որոշում է.

1. Լիպարիտ Ռոբերտի Մելիքջանյանի՝ Բարձրագույն դատական խորհրդի անդամի լիազորությունները 2022 թվականի հուլիսի 4-ից համարել դադարած»:

Հիշեցնենք՝ Լիպարիտ Մելիքջանյանին ԱԺ-ն օրերս ընտրեց Վճռաբեկ դատարանի հակակոռուպցիոն պալատի դատավորի պաշտոնում։ Հուլիսի 2-ին նախագահ Վահագն Խաչատուրյանի հրամանագրով նա նշանակվել է դատավոր։