Electrolux Professional-ը հեռանում է Ռուսաստանից

Պրոֆեսիոնալ սպառողների համար էլեկտրասարքավորումներ արտադրող Electrolux Professional-ը կդադարեցնի իր աշխատանքը Ռուսաստանում։ Ընկերությունը ռուսական բիզնեսը կվաճառի ստորաբաժանման բարձրագույն ղեկավարությանը։ Այս մասին հայտնում է ընկերության մամուլի ծառայությունը։

«Գնահատելով, որ ստեղծված իրավիճակում հնարավոր չէ շարունակել բիզնեսը Ռուսաստանում, Electrolux Professional-ը դադարեցնում է գործունեությունը երկրում»,- ասվում է ընկերության հաղորդագրության մեջ։

Ռուսական շուկայից դուրս գալը կարժենա 35 մլն շվեդական կրոն (3,3 մլն դոլար),- ավելացրել է ընկերությունը։

Electrolux Professional-ն ունի 25 աշխատակից Ռուսաստանում։ Ընկերությունը նշել է, որ 2021 թվականին Ռուսաստանում վաճառքները կազմել են ընդհանուր համաշխարհային վաճառքի 1%-ը։

Electrolux Professional-ը ի սկզբանե ստեղծվել է որպես Electrolux-ի ստորաբաժանում, որը արտադրում է կենցաղային տեխնիկա: Electrolux Professional-ը արտադրում է խոշոր սարքեր կոմերցիոն հաճախորդների համար: 2020 թվականին բաժանվել է առանձին ընկերության։

Աղբյուրը՝ kommersant.ru

Թարգմանեց՝ Աստղ Խաչատրյանը