Ջերմուկ խոշորացված համայնքի Գնդեվազ բնակավայրում զբոսաշրջային խոշոր ծրագրեր կան նախատեսված ինչպես ՀՀ կառավարության ֆինանսավորմամբ, այնպես էլ մասնավոր ներդրումներով: Այս մասին գրել է Ջերմուկ համայնքի ղեկավար Վահագն Արսենյանը։
«Կառուցվելու է Գնդեվազ գյուղից մինչև Գնդեվանք վանական համալիր տանող, 1,7 կմ երկարությամբ, ժամանակակից ճեմուղի՝ իր բոլոր անհրաժեշտ ենթակառուցվածքներով:
Զբոսաշրջային ծրագրերն ամբողջացնելու են Գնդեվազում զիփլայնի ու ճոպանուղու կառուցումը, հանգստյան գոտու հիմնումը: Արդյունքում՝ զբոսաշրջիկների համար կստեղծվի միջնադարյան եկեղեցական համալիր հասնելու այլընտրանք:
Նախադրյալներ կան զարգացնելու նաև ագրոզբոսաշրջությունը (կկազմակերպվեն նոր քայլարշավային, ձիարշավային տուրեր, ձկնորսություն, գաստրոտուրեր և այլն»,- գրել է նա։
