Պուտինի օգնականը պատմել է, որ ՌԴ-ն ծրագրում է ազատվել SWIFT-ից

ՌԴ նախագահի տնտեսական հարցերով օգնական Մաքսիմ Օրեշկինն ասել է, որ ՌԴ իշխանությունները աշխատում են SWIFT ֆինանսական հաղորդագրությունների փոխանցման միջազգային համակարգից հրաժարվելու ուղղությամբ, գրում է ՏԱՍՍ-ը։

«SWIFT-ի հետ դա շատ պարզ է՝ մենք այնպես կաննեք, որ դրա կարիքը չլինի։ Ես արդեն ասել եմ, սա իրականում հիմա առանցքային խնդիր է… Մենք այժմ կենտրոնանում ենք արտաքին տնտեսական գործունեությունը հնարավորինս հարմարավետ դարձնելու վրա»,- ասել է Օրեշկինը՝ ելույթ ունենալով «Իմաստների տարածք» ֆորումում:

Նախագահի օգնականը նշել է, որ հաջորդ շաբաթ Ռուսաստանի իշխանությունները կհանդիպեն Թուրքիայի գործընկերների հետ՝ քննարկելու, թե «ինչպես սահմանել վճարումները», գրում է ՌԻԱ Նովոստին։ Օրեշկինը հավելել է, որ «այլ նորարար գաղափարներ, որոնք կարող են արմատապես փոխել իրավիճակը, նույնպես քննարկվում են Չինաստանից գործընկերների հետ»։

Թարգմանեց՝ Աստղ Խաչատրյանը։