Չինաստանը տիեզերք է ուղարկել «Վենտյան» լաբորատոր մոդուլը «Տիանգուն» տիեզերակայանի համար

«Չանչժեն-5Բ» կրիչ հրթիռը հաջողությամբ տիեզերք է արձակել «Վենտյան» առաջին լաբորատոր մոդուլը, որը կդառնա Չինաստանի «Տիանգուն» ուղեծրային կայանի երկրորդ մոդուլը։ Նրա շնորհիվ կայանի բնակելի տարածքն ընդլայնվում է, ինչպես նաև հնարավոր է դառնում փորձեր անցկացնել մոդուլի ներսում և դրսում։ Մեկնարկը հեռարձակվել է YouTube-ում CGTN ալիքով։

«Տիանգուն» բազմամոդուլային ուղեծրային կայանի ստեղծումը սկսվել է 2021 թվականին, այն դարձել է չինական օդաչուավոր տիեզերագնացության զարգացման երրորդ փուլը՝ մեկ մոդուլային ուղեծրային կայանների և տիեզերանավերի թռիչքներից հետո։ Ընդհանուր առմամբ, կայանը կունենա երեք հիմնական մոդուլ՝ հիմնական «Տյանխե»-ն, որն ուղեծիր է ուղարկվել անցյալ տարվա գարնանը, և երկու լաբորատոր մոդուլ՝ «Վենտյան»  և «Մենտյան»: Բացի այդ, նախատեսվում է գործարկել լրացուցիչ «Սյունտյան» մոդուլը, որը 2 մետրանոց տիեզերական աստղադիտակ է, իսկ ապագայում կայանը կարող է ընդլայնվել մինչև վեց մոդուլ։

Մանրամասները՝ սկզբնաղբյուրում։