40 տարի ՄԻԱՎ-ով հիվանդ տղամարդը ապաքինվել է

Մի մարդ, ում մոտ 1980-ականներին ախտորոշվել էր ՄԻԱՎ-ը, կարծես թե ամբողջովին ապաքինվել է վիրուսից: Սա բժշկության պատմության մեջ չորրորդ նման դեպքն է։

Լեյկեմիայի բուժման ընթացքում հիվանդը ոսկրածուծ է ստացել դոնորից, ով ուներ ԴՆԹ-ի հազվագյուտ մուտացիա, որը մարդկանց անձեռնմխելի է դարձնում վիրուսի նկատմամբ:

Բուժված տղամարդը, ով խնդրել է չհրապարակել իր անունը, այժմ 66 տարեկան է։ Եվ նա այլեւս ստիպված չէ ընդունել այն դեղամիջոցները, որոնք անհրաժեշտ են օրգանիզմում ՄԻԱՎ-ը չեզոքացնելու համար։

Նրա խոսքով՝ երբ իմացել է, որ վիրուսն այլևս չունի, անչափ շնորհակալ է եղել։

Նիդեռլանդներում հայտնաբերվել է ՄԻԱՎ-ի նոր, ավելի վտանգավոր տարբերակ
Բժիշկները նրան անվանում էին «հույսի քաղաքից հիվանդ», – այսպես երբեմն փոխաբերականորեն անվանում էին Կալիֆորնիայի Դուարտե քաղաքը, որտեղ տղամարդը բուժում էր անցնում:

Բուժված տղամարդու ընկերներից շատերը չապրեցին այն ժամանակաշրջանը, երբ հակառետրովիրուսային թերապիայի գյուտը հիմնովին փոխեց ՄԻԱՎ-ով վարակվածների կյանքի տևողությունը և մակարդակը:

Մանրամասները՝ սկզբնաղբյուրում