Deutsche Bank-ը խոստովանել է, որ կարող է կորցնել իր ակտիվները Ռուսաստանում

Գերմանիայի խոշորագույն բանկերից մեկը՝ Deutsche Bank-ը, խոստովանել է, որ կարող է կորցնել վերահսկողությունը Ռուսաստանում իր ակտիվների նկատմամբ։ Այս մասին ասված է բանկի միջանկյալ հաշվետվության մեջ:

Deutsche Bank-ն ունի սեփական տեխնոլոգիական ռեսուրսներ Ռուսաստանում, որոնք զբաղվում են մի շարք բանկային հավելվածների մշակմամբ։ Խումբը ենթարկվում է ռիսկի, որ այդ տեխնոլոգիական ռեսուրսներն օգտագործելու իր կարողությունը կարող է նվազել կամ կորցնել, օրինակ՝ Արևմտյան պատժամիջոցների, Ռուսաստանում կառավարության գործողությունների կամ [«դուստր ձեռնարկության» ղեկավարության գործողությունների պատճառով։

Բանկը կարծում է, որ «կարգավորիչների անբարենպաստ գործողությունները կարող են հանգեցնել տեղական ակտիվների նկատմամբ վերահսկողության կորստի»:

2022 թվականի մարտին Deutsche Bank-ը դատապարտեց Ռուսաստանի ներխուժումն Ուկրաինա և հայտարարեց, որ դադարեցնում է բիզնեսը Ռուսաստանում։ Դրանից հետո, երեք ամսում Deutsche Bank-ը Ռուսաստանից Գերմանիա տեղափոխեց ՏՏ ոլորտի հարյուրավոր մասնագետների, հունիսի սկզբին գրում էր Financial Times-ը։ Ընդհանուր առմամբ, մոտ 2000 մարդ որոշել է տեղափոխվել Գերմանիա. սրանք բանկի աշխատակիցներ են և նրանց ընտանիքի անդամներ։

Աղբյուրը՝ Meduza.io

Թարգմանեց՝ Աստղ Խաչատրյանը