ՌԴ-ն Սիրիայից զենք է հանել առևտրային նավի վրա․Bloomberg

Հուլիսի վերջին «Սպարտա II» առեւտրային նավը Սիրիայից ժամանել է Ռուսաստան՝ ըստ երեւույթին զինտեխնիկա կրելով։ Այս մասին գրում է Bloomberg-ը՝ հղում անելով ԱՄՆ կառավարության և եվրոպական հետախուզության աղբյուրներին։

«Սպարտա II»-ը Նովոռոսիյսկ է ժամանել սիրիական Տարտուս նավահանգստից։ Նա կրում էր առնվազն 11 զինտեխնիկա։ Նավը պատկանում է Ռուսաստանի պաշտպանության նախարարության կողմից վերահսկվող «Оборонлогистика» ընկերությանը, որը գտնվում է ԱՄՆ պատժամիջոցների տակ։

ԱՄՆ-ն և ԵՄ-ն կարծում են, որ Ռուսաստանը բազմիցս օգտագործել է առևտրային նավեր՝ Սև ծովով ռազմական տեխնիկա տեղափոխելու համար՝ այդպիսով շրջանցելով Բոսֆորի և Դարդանելի նեղուցներով ռազմանավերի անցման արգելքը։ Թուրքիան այս արգելքը մտցրեց Ուկրաինա Ռուսաստանի ներխուժումից անմիջապես հետո։

Ռուսաստանը, հավանաբար, աղբյուրներ է փնտրում ռազմական տեխնիկայի և անձնակազմի կորուստները լրացնելու համար՝ պատերազմի և իր պաշտպանական հատվածի դեմ պատժամիջոցների համատեքստում, նշում է Bloomberg-ը։

Աղբյուրը՝ Meduza.io