Զինված տղամարդը պատանդներ է վերցրել Բեյրութի բանկում՝ պահանջելով վերադարձնել սառեցված միջոցները

Հինգշաբթի օրը զինված տղամարդը Բեյրութի աշխույժ Համրա փողոցում գտնվող բանկում պատանդ է պահել աշխատակիցներին և հաճախորդներին՝ պահանջելով իրեն տալ իր սառեցված միջոցները, ըստ անվտանգության աղբյուրի և Լիբանանի պետական ազգային լրատվական գործակալության:

Անվտանգության աղբյուրի փոխանցմամբ՝ մի քանի ժամ տեւած ընդհարումից հետո տղամարդը հանձնվել է անվտանգության ուժերին՝ ստանալով իր բանկային հաշվի մի մասը: Աղբյուրը խոսել է անանունության պայմանով՝ ելնելով մասնագիտական նորմերից։

Ըստ NNA-ի, տղամարդուն խոստացել են 30,000 ԱՄՆ դոլարը իր սառեցված բանկային հաշվի 210,000 դոլարից որպես նրա հանձնման պայմանների մաս:
Զինված տղամարդն ասել է, որ իրեն անհրաժեշտ են միջոցներ՝ հոր վիրահատության համար՝ սպառնալով հրկիզել բանկը և սպանել այնտեղ գտնվող բոլորին, հայտնում է NNA-ն: Տղամարդը սոցցանցերի տեսանյութում երևացել է ինքնաձիգ ձեռքին:

«Ինձ վերադարձրո՛ւ իմ փողը»։ Բանկից ձայնագրված սոցցանցերի տեսանյութում լսվում էր, թե ինչպես է տղամարդը բղավում: «Ես շատ ժամանակ չունեմ».

Աղբյուրը՝ edition.cnn.com

Թարգմանեց՝ Աստղ Խաչատրյանը