Ճապոնիայում կատարվող մի հետաքրքիր հետազոտության մասին ենք ուզում Ձեզ պատմել։
Ճապոնացի գիտնականները սովորում են վերահսկել թառափի պոպուլյացիայի սեռը։ Սովորաբար՝ արու և էգ առանձնյակները ծնվում են հավասարապես, բայց, իհարկե, միայն էգեր են անհրաժեշտ սև խավիարի արտադրության համար։
Թառափների կերին ավելացնում են գենիստեյն, որը էստրոգենի` կանացի հորմոնի բնական անալոգն է․ դրա շնորհիվ ձկների ապագա սերունդներում ավելի շատ էգեր են հայտնվում։ Արգելվում է ձկներին սննդի համար մաքուր գենիստեին տալը։
Դրա համար սննդի համար ընտրվում են մթերքներ, որոնք բնականաբար հարուստ են գենիստեինով, օրինակ՝ սոյայի հատիկներ, և ընդհանրապես բոլոր տեսակի հատիկներ։ Հետազոտության հեղինակները հույս ունեն այս կերպ խավիարն ավելի մատչելի ու էժան դարձնել աշխարհում։
Ի դեպ` աշխարհում ամենահեղինակավոր խավիար արտադրող ընկերություններից մեկի հիմնադիրը մեր հայրենակից Արմեն Պետրոսյանն է, որի «Petrossian» ընկերությունը արտադրում է աշխարհում սպառվող խավիարի 25%-ը և հանդիսանում է ԱՄՆ-ի և Եվրոպայի գլխավոր մատակարարը:
Գրիգ Հակոբյան
