«Սանիթեք» -քաղաքապետարան առճակատման նոր նրբերանգները

Երևանի ավագանու այսօրվա նիստում գլխավոր թեման դարձյալ եղել է աղբահանությունը: «Սանիթեք» -քաղաքապետարան շարունակվող առճակատումն այսօր լրացվել է նոր ինտրիգով: Ավագանու ընդդիմադիր անդամներին զայրացրել է մանկապարտեզների վերանորոգման միջոցների հաշվին աղբահանությանը լրացուցիչ միջոցներ տրամադրելու որոշումը:

91 մլն դրամով կրճատվում է մանկապարտեզների վերանորոգման համար նախատեսվող գումարը, փոխարենն այդ գումարն ուղղվում է «Աղբահանություն և սանիտարական մաքրում» ծրագրին:

Ծրագրի ընդհանուր գումարը 1 մլրդ 726 մլն դրամ է: Ի՞նչու բյուջեով նախատեսված ծրագրերից մեկն իրականացվում մյուսի հաշվին: Ավագանու ԲՀԿ անդամ Միքայել Մանրիկյանն ասում է քաղաքը մաքրել պետք է, բայց դա անել նախադպրոցական հաստատությունների նորոգման հաշվին նպատակահարմար չէ: Ընդդիմադիր խմբակցության ղեկավարը առաջարկում է այդ գումարները ձեռք բերել այլ աղբյուրներից . «Օրինակ, աղբահանությանն ուղղվող միջոցներն ավելացնել ոչ թե երեխաների, այլ պարգևավճարների և գործուղումների ծախսերի հաշվին»:

Նիստը վարող քաղաքապետի առաջին տեղակալ Հրաչյա Սարգսյանը նկատեց. ոչ մի մանկապարտեզ դուրս չի մնալու վերանորոգման ծրագրից: Պարզապես այդ գումարը չի բավարարի 21 մանկապարտեզ վերանորոգելու համար: Վերանորոգման աշխատանքներն էլ սկսելու համար նախ պետք է մրցույթ հայտարարել, նախահաշիվ կազմել, շինարար գտնել : Այս ամենը մինչև իրականացվի, տարին կավարտվի: Հետևաբար որոշել են փողն ավելի արդյունավետ օգտագործել: Այդ ամբողջ տեխնիկան Երևանում կլինի արդեն աշնանը և կլուծվի աղբահանության խնդիրը:

Ավելին՝ https://hy.armradio.am/2019/08/09/%d5%bd%d5%a1%d5%b6%d5%ab%d5%a9%d5%a5%d6%84-%d6%84%d5%a1%d5%b2%d5%a1%d6%84%d5%a1%d5%ba%d5%a5%d5%bf%d5%a1%d6%80%d5%a1%d5%b6-%d5%a1%d5%bc%d5%b3%d5%a1%d5%af%d5%a1%d5%bf%d5%b4%d5%a1%d5%b6/?fbclid=IwAR0swm2UkZiq5D7isv9PXwcR9uhk-82uyhrGydjVVY7t8UaDRyFFogE5avI