Մոնտենեգրոյի խորհրդարանն այսօր քվեարկությամբ անվստահություն է հայտնել վարչապետ Դրիտան Աբաժովիչի կառավարությանը:
Օրինագիծը ներկայացրել են 36 պատգամավորներ, ովքեր առաջարկել են բողոք հայտնել կառավարության ընդունած համաձայնագրի դեմ, որով պետք է կարգավորվի երկրի երկարատև պատմական վեճը Սերբիայի ուղղափառ եկեղեցու հետ:
«Խորհրդարանի հարգարժան անդամներ, 51 պատգամավոր քվեարկել է, 50-ն անվստահություն է հայտնել, մեկը վստահություն է հայտնել, այսպիսով, այս կառավարությունը կորցրել է վստահությունը», – ազդարարել է խորհրդարանի խոսնակ Դանիելա Ջուրովիչը:
Վստահությունը կորցրած վարչապետն ասել է, թե երկիրը պետք է կա՛մ գողերը ղեկավարեն, կա՛մ քաղաքացիները, և իր կաբինետը քաղաքացիների կառավարման կողմնակից է:
«Ես շատ հպարտ եմ մեր կատարած աշխատանքով, մեզ կհիշեն որպես ամենակարճ ժամանակն աշխատած, բայց ամենադժվար որոշումները կայացրած կառավարություն»,- ասել է Ջուրովիչը:
Սա Մոնտենեգրոյում այս տարվա ընթացքում կառավարությանն անվստահություն հայտնելու արդեն երկրորդ դեպքն է: Փետրվարին պաշտոնանկ է արվել Սերբիայի ուղղափառ եկեղեցու աջակցությունը վայելող Մոնտենեգրոյի վարչապետ Զդրավկո Կրիվոկապիչը:
ՆԱՏՕ-ի անդամ և Եվրամիությանն անդամակցելու նպատակ ունեցող այդ երկրում նախագահ Միլո Ջուկանովիչն այժմ պետք է վարչապետի նոր թեկնածու առաջադրի: Չի բացառվում նաև արտահերթ ընտրությունների տարբերակը:
Ընդամենը 625 հազար բնակիչ ունեցող Մոնտենեգրոյում տարիներ շարունակ քաղաքական զարգացումների հիմքում առանցքային վեճն է իրենց որպես մոնտենեգրացի նույնականացնողների և ռուսամետ սերբերի միջև:
Աղբյուրը՝ Azatutyun.am
Ամփոփվել է ՀՀ բարձր տեխնոլոգիական արդյունաբերության նախարարության կողմից իրականացվող «Ներուժ 5.0» սփյուռքի տեխնոլոգիական ստարտափների ծրագիրը.…
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…