Նորվեգիան միացավ Ռուսաստանի նկատմամբ Եվրամիության սանկցիաների 7-րդ փաթեթին

Նորվեգիայի Թագավորության կառավարությունն այսօր հաղորդել է Ուկրաինայի պատերազմի կապակցությամբ Ռուսաստանի նկատմամբ Եվրոպական միության սահմանած պատժամիջոցների 7-րդ փաթեթին միանալու մասին:

«Եվրոպական միության հուլիսի 21-ին հայտարարած սանկցիաները ներառվել են Նորվեգիայի օրենսդրությունում և այսօրվանից մտել են ուժի մեջ», – ասվում է Օսլոյում հրապարակված հաղորդագրությունում:

Նորվեգիան Եվրոպական միության անդամ չէ, սակայն միացել է Եվրոպական տնտեսական գոտուն:

Աղբյուրը՝ Azatutyun.am