ԳեոՊրոՄայնինգը կաջակցի սահմանամերձ գյուղերի ջրամատակարարման ծրագրին

«ԳեոՊրոՄայնինգ Գոլդ» ընկերությունը (ԳեոՊրոՄայնինգի դուստր ձեռնարկությունը) պետական սուբվենցիոն ծրագրի շրջանակում ֆինանսական աջակցություն կտրամադրի ՀՀ Գեղարքունիքի մարզի Վարդենի համայնքին սահմանամերձ գյուղերի ջրամատակարարման համակարգի կառուցման ծրագրի իրականացման համար։

Համապատասխան համաձայնագիրը ստորագրել են «ԳեոՊրոՄայնինգ գոլդ» ընկերության Գլխավոր տնօրեն Անատոլի Գոգոտինը և Վարդենիս համայնքի ղեկավար Ահարոն Խաչատրյանը։

Պայմանագրով ընկերությունը պարտավորվում է երեք տարվա ընթացքում ֆինանսական աջակցություն ցուցաբերել Վարդենիի շրջանի 5 սահմանամերձ գյուղերի ջրամատակարարման ծրագրին՝ ընդհանուր 150 մլն դրամով (470 հազար դոլար)։

Ծրագիրն ուղղված է հինգ գյուղերի խմելու և ոռոգման ջրամատակարարման համակարգով ապահովելուն։ Ծրագրի ընդհանուր արժեքը 700 միլիոն դրամ է, որից 150 միլիոնը կտրամադրի «ԳեոՊրոՄայնինգ Գոլդ»-ը, 180 միլիոնը՝ Վարդենիս համայնքը։ Մնացածը սուբսիդավորում է պետությունը։

Անատոլի Գոգոտին, «ԳեոՊրոՄայնինգ գոլդ» ընկերության գլխավոր տնօրեն. «Ընկերության մասնակցությունը սուբվենցիոն ծրագրերին ապահովում է արդյունավետ փոխգործակցություն պետության, տեղական համայնքների և բիզնեսի միջև: Մեր փորձը ցույց է տալիս, որ նման համագործակցությունը մեզ թույլ է տալիս առավել արդյունավետ լուծել ենթակառուցվածքային բնույթի սոցիալական խնդիրները մեր ներկայության մարզերում, քանի որ գործընթացում ներգրավված են բոլոր շահագրգիռ կողմերը։ Սա արդեն չորրորդ ծրագիրն է, որին մասնակցում է «ԳեոՊրոՄայնինգ Գոլդը», և ես համոզված եմ, որ դրա իրականացումը կբարելավի մարզի սահմանամերձ գյուղերի սոցիալական ու կենցաղային պայմանները»։

Վարդենիս համայնքի ղեկավար Ահարոն Խաչատրյան. «ԳեոՊրոՄայնինգ գոլդ»-ի մասնակցությունը մեր մարզում իրականացվող ենթակառուցվածքային ծրագրերին թույլ է տալիս լուծել ավելի մեծ խնդիրներ՝ ուղղված սոցիալ-տնտեսական խնդիրների լուծմանը։ Այս առումով «ԳեոՊրոՄայնինգ գոլդ»-ը մեր հիմնական գործընկերն ու լավ ընկերն է՝ 15 տարի մասնակցելով համայնքի և նրա բնակիչների կյանքին: Ընկերության սոցիալական, մշակութային, կրթական և բժշկական ծրագրերը թույլ են տալիս բարելավել մեր համաքաղաքացիների կյանքի որակը»։

Ընկերության մասնակցությունը նախորդ սուբվենցիոն ծրագրերին գնահատվում է 140  մլն դրամ։ Առաջին երկուսը կրկին իրականացվել են ՀՀ Գեղարքունիքի մարզում։ Մասնավորապես, սա Վարդենիս քաղաքի մի շարք գյուղերի գազիֆիկացման, ջրամատակարարման համակարգի զարգացման, գյուղական փողոցների լուսավորության, փողոցների վերակառուցման ու բարեկարգման ծրագիր է։ Երրորդ ծրագիրը Արարատ քաղաքի մշակույթի տան շենքի վերակառուցումն ու հարակից հրապարակի բարեկարգումն է։

Սահմանամերձ գյուղերի ջրամատակարարման ընթացիկ ծրագիրը չորրորդ սուբվենցիոն ծրագիրն է, որին տեղական ինքնակառավարման մարմինների և Հայաստանի կառավարության հետ միասին մասնակցում է «ԳեոՊրոՄայնինգ գոլդ»-ը։

Ընկերությունը կատարում է նաև օրենսդրությամբ նախատեսված բոլոր հարկային և սոցիալական պարտավորությունները:

ՀՀ կառավարությունը  Վարդենիս խոշորացված համայնքում 2021 և 2022 թվականներին իրականացրել է 1 միլիարդ 890 միլիոն ՀՀ դրամ ֆինանսական հատկացում սուբվենցիոն ծրագրերի իրականացման շրջանակում։

2023 թվականի համար ՀՀ Կառավարությունը   նախատեսում է իրականացնել 1 միլիարդ 980 միլիոն դրամի սուբվենցիոն ծրագրերի սուբսիդավորում : 

Նախագծերն ուղղված են համայնքի  բազմաբնակարան շենքերի տանիքների հիմնանորոգմանը, կենտրոնական և գյուղական բնակավայրերին մոտեցող  փողոցների ասֆալտապատմանը, փողոցների լուսավորության ցանցի կառուցմանը, բնակավայրերի գազաֆիկացմանը, ապաստարանների և թաքստոցների կառուցմանը, խմելու ջրագծերի և ոռոգման ջրագծերի կառուցմանը, հասարակական շենքերի հիմնանորոգմանը, մանկապարտեզների վերանորոգմանը, բազմաբնակարան շենքերի բակային տարածքների բարեկարգմանը: