«Այս երկիրը որբի գլուխ չէ, մեզ տեր է պետք». մի խումբ քաղաքացիներ երեկ գնացել էին Ռոբերտ Քոչարյանի ետևից՝ խնդրելու, որ գա և իրենց առաջնորդի

Երեկ ԱԺ-ի դիմաց բողոքի ակցիա անող քաղաքացիների մի մասը առանձնացան մյուսներից, և որոշեցին Բաղրամյան պողոտայից գնալ ՀՀ երկրորդ նախագահ Ռոբերտ Քոչարյանի գրասենյակ: Քաղաքացիներին առաջներդելու պարտականությունն իր վրա էր վերցրել դերսանուհի Անահիտ Մութաֆյանը, որը ոստիկանության պարեկային ծառայողների ավտոմեքենայից հայտարարեց, որ գնում են գրասենյակ՝ խնդրելու Քոչարյանին, որ գա և իրենց առաջնորդի, քանի որ երկիրը որբի գլուխ չէ, և իրենց առաջնորդ է պետք:

Գրասենյակի դիմաց հավաքված քաղաքացիներին ավելի ուշ մոտեցավ Ռոբերտ Քոչարյանի որդին՝ Լևոնը, որը նշեց, որ հանդիպում կազմակերպելու համար ժամանակ է հարկավոր և հավելել, որ այսօր այդքան էլ արդյունավետ չի լինի նման հանդիպումը։ Նա քաղաքացիներին, հայտնեց, որ վաղը կտեղեկացնի, թե երբ, որտեղ և ինչ ձևաչափ է լինելու Ռոբերտ Քոչարյանի հանդիպումը քաղաքացիների հետ։

Այսօր, արդեն Լևոն Քոչարյանն իր ֆեյսբուքյան էջում գրել է.

«Երեկ մեր հայրենակիցների մի խումբ ցանկություն է հայտնել հանդիպելու Ռոբերտ Քոչարյանի հետ: Ինչպես երեկ գրասենյակ եկած քաղաքացիներին խոստացել էի, տեղեկացնում եմ, որ հանդիպումը տեղի կունենա երկուշաբթի, ժամը 13:00-ին, Կինո Մոսկվայի կարմիր դահլիճում»,- նշել է նա: