Կինոյի համաշխարհային օրերի շրջանակում Տաշքենդի «Մետաքսե ճանապարհի մարգարիտը» 9-րդ միջազգային կինոփառատոնում Վրաստանը կներկայացնի 2021 թվականի «Ֆրունզիկ Մկրտչյան. Հնդկաստանը հիշում է ինձ» վավերագրական ֆիլմը:
Պրոդյուսեր Դավիթ Բեժիտաշվիլիի և ռեժիսոր Օթար Միքելաձեի ֆիլմը սեպտեմբերի 15-ին կցուցադրվի Տաշքենդի երիտասարդական ստեղծագործական պալատում։
Վավերագրական ֆիլմի նկարահանումներին մասնակցել են հնդիկ դերասաններ Դհարմենդրան և Հեմա Մալինին, վրացի դերասան և երգիչ Վախթանգ Կիկաբիձեն։ Ֆիլմը պատմում է, թե ինչպես է հայտնի խորհրդային հայ դերասան Ֆրունզիկ (Մհեր) Մկրտչյանը նկարահանվել Հնդկաստանի և ԽՍՀՄ-ի համատեղ արտադրության «Ալի Բաբայի և քառասուն ավազակների արկածները» և «Սիրո լեգենդը» ֆիլմերում։
Կինոյի համաշխարհային օրերին իրենց ֆիլմերը կներկայացնեն 17 երկրներ, այդ թվում՝ Ադրբեջանը, Մոլդովան, Հայաստանը, Մեծ Բրիտանիան, Ֆրանսիան, Բրազիլիան, Թուրքիան, Հարավային Կորեան և Ճապոնիան։
Մհեր Մկրտչյանը ավելի քան 30 տարի աշխատել է Երևանի Սունդուկյանի անվան թատրոնում, իսկ հետո կազմակերպել սեփական թատրոնը։
Կինոյում իր դերասանական կարիերայի ընթացքում նա նկարահանվել է ավելի քան 35 գեղարվեստական ֆիլմերում, ամենամեծ հայտնիությունը նրան բերել են «Միմինո», «Մենք և մեր սարերը», «Անցած օրերի երգը» և «Կովկասի գերուհին» ֆիլմերը։
1978 թվականին Մկրտչյանն արժանացել է ԽՍՀՄ պետական մրցանակի, իսկ 1984 թվականին ստացել է ԽՍՀՄ ժողովրդական արտիստի կոչում։ Մահացել է 1993թ.:
«Մետաքսե ճանապարհի մարգարիտը» Տաշքենդի 9-րդ միջազգային կինոփառատոնը կանցկացվի սեպտեմբերի 13-ից 18-ը։ Դրան կմասնակցեն ավելի քան 500 կինոգետներ աշխարհի 40 երկրներից, այդ թվում՝ Ղազախստանից, Ղրղզստանից, Տաջիկստանից, Թուրքմենստանից։ Կինոփառատոնի շրջանակներում կցուցադրվի 150 գեղարվեստական, վավերագրական եւ կարճամետրաժ ֆիլմ
Ամփոփվել է ՀՀ բարձր տեխնոլոգիական արդյունաբերության նախարարության կողմից իրականացվող «Ներուժ 5.0» սփյուռքի տեխնոլոգիական ստարտափների ծրագիրը.…
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…