Դոնեցկում և Լուգանսկում կանցկացվեն ՌԴ-ին միանալու հարցով «հանրաքվեներ»

Դոնեցկի և Լուգանսկի անջատական կազմավորումների ռուսամետ իշխանությունների որոշմամբ սեպտեմբերի 24-ից 27-ը տեղի կունենան «հանրաքվեներ» Ռուսաստանին միանալու հարցով:

«Դոնեցկի ժողովրդական հանրապետության» անունից այդ մասին հայտնել է «հանրապետության ժողովրդական խորհուրդը»:

«Լուգանսկի ժողովրդական հանրապետության» անունից այդ որոշման մասին հայտնել է «ժողովրդական խորհրդի նախագահ» Դենիս Միրոշնիչենկոն:

Ռուսաստանը փետրվարի 24-ին է ճանաչել այդ երկու ինքնահռչակ կազմավորումների անկախությունը և դրանց ղեկավարների հետ փոխօգնության պայմանագրեր է կնքել ու ժամեր անց զորքը մտցրել է Ուկրաինայի տարածք:

Աղբյուրը՝ Azatutyun.am