ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում ներկայացրել է իրենց դիրքորոշումն Արցախում սպասվող նախագահական ընտրությունների վերաբերյալ:
Ըստ Մարուքյանի՝ պետք է ամեն ինչ անել, որ խժդժություններ, բռնություններ չլինեն, արդար, թափանցիկ քվեարկություն լինի, թեկնածուները հավասար հնարավորություններ ունենան և դրանք օգտագործելով՝ ներկայանան Արցախի քաղաքացիներին:
«Ով կընտրվի, մենք այդ մարդու հետ կաշխատենք: Ով լինի Արցախի Հանրապետության նախագահը, ես կզանգեմ, կշնորհավորեմ, և «Լուսավոր Հայաստան» կուսակցությունը ոնց որ այսօր նախագահ Բակո Սահակյանի հետ է հարաբերվում, կհարաբերվի այդ մարդու հետ»,– ասել է նա:
