Քոչարյանի հանձնարարությամբ դատապարտվեցի 4 տավա ազատազրկման․ Բաբաջանյան

«Նախագահի պաշտոնը զբաղեցնող Ռոբերտ Քոչարյանի հանձնարարությամբ, գլխավոր դատախազ Աղվան Հովսեփյանի կարգադրությամբ, դատավոր Մնացական Մարտիրոսյանի դավաճռով 08.09.2006թ. դատապարտվեցի 4 տավա ազատազրկման:

Վերաքննիչ և Վճռաբեկ դատարանները ևս բնականաբար ինձ՝ Ժամանակ օրաթերթի գլխավոր խմբագրիս չեզոքացնելու հանցավոր որոշման հնազանդ դակիչների դերում էին: Անազատության մեջ երկիրը լքելու, խմբագրությունը, թերթը փակելու առաջարկի դիմաց ազատ արձակվելու մի քանի առաջարկ եմ ստացել ԱԱԾ պաշտոնյաների կողմից։ Չեմ համաձայնել։

Արդյունքում կրեցի 3 տարի 6 ամիս ապօրինի ազատազրկումը:

Ազատազրկման վերջում՝ 2009թ․ օգոստոս ամսին առողջական ծանր խնդիրներ ձեռք բերեցի՝ գլխուղեղի նորագոյացության պատճառով օրըստօրե կորցնում էի տեսողությունս։ Սկսեցի անվարժ խոսել։

Արտերկրում գլխի վիրահատությունը, ճառագայթային բուժումն անհետաձգելի անհրաժեշտություն էր։

Անցյալ տարի, 2006թ․ ապօրինի դատական ակտը բողոքարկեցի Վճռաբեկ դատարան, որն ընդունեց վարույթ և գործի քննությունը ուղարկեց Առաջին ատյանի դատարան՝ նոր քննության։

Այսօր արդեն դատարանի որոշմամբ փաստվեց, որ իմ նկատմամբ հարուցված քրեական գործը պետք է կարճվեր 2004 թվականի մարտի 1-ին ընդունված ՀՀ օրենքի կիրառմամբ և հետևաբար ես չէի կարող ազատազրկվել:

Դատական ակտով փաստվեց, որ 3 տարի 6 ամիս ժամկետով ապօրինի եմ ազատազրկված եղել»,- գրել է «Հանուն Հանրապետության» կուսակցության նախագահ Արման Բաբաջանյանը։