Ստոլտենբերգն ապացուցեց՝ ՆԱՏՕ-ն կռվում է Ուկրաինայի կողմից․ Պեսկով

Կրեմլի խոսնակ Դմիտրի Պեսկովն ասել է, թե ՆԱՏՕ-ի գլխավոր քարտուղար Յենս Ստոլտենբերգի վերջին մեկնաբանություններն ապացուցում են, որ ՆԱՏՕ-ն կռվում է Ուկրաինայի կողմից:

Այդպես նա պատասխանել է լրագրողներից մեկի այն հարցին, թե արդյո՞ք կարելի է ՆԱՏՕ-ն համարել հակամարտության կողմ:

«Կարելի է»,- ասել է Ռուսաստանի նախագահ Վլադիմիր Պուտինի մամլո խոսնակը, նշելով, թե «Ռուաաստանն այդ կապակցությամբ համապատասխան գործողություններ է իրականացնում՝ սկսած փետրվարի 24-ից»:

Ռուսաստանի ղեկավարի վճռով այս տարվա փետրվարի 24-ին են բանակի ստորաբաժանումները նախաձեռնել ակտիվ գրոհներ Ուկրաինայում:

Մոսկվան սկզբունքորեն հրաժարվում է կիրառել «պատերազմ» եզրույթը և հարձակումն անվանում է «հատուկ ռազմական գործողություն»:

Աղբյուրը՝ Azatutyun.am