Ինչպես հայտնում է Russia Today-ը, Հոնկոնգում շարունակվում են բողոքի բազմահազարանոց ակցիաները ընդդեմ արտահանձնման մասին օրենքի, որոնց միացել են նաև ուսուցիչները: Բողոքի ցույցերն անցկացվում են «Իշխանությունը ժողովրդին» կարգախոսով: Չինական իշխանություններն էլ, իրենց հերթին, զորք են ուղարկում Հոնկոնգի հատուկ ինքնավար շրջանի սահմաններ։
Հիշեցնենք, որ բողոքի ակցիաները սկսվել են 11 շաբաթ առաջ: Ցուցարարները պնդում են, որ արտահանձնման օրենքի փոփոխությունները Հոնկոնգին զրկում են ինքնավարությունից: Ավելի վաղ օրենքի նախագիծը հետաձգվել էր, սակայն չէր չեղարկվել:
