ԱԺ նախագահը՝ Զատուլինի ՀՀ մուտքի արգելքի մասին

ՀՀ ԱԺ նախագահ Ալեն Սիմոնյանն անդրադարձել է ՌԴ պետդումայի պատգամավոր Կոնստանտին Զատուլինի մուտքը Հայաստան արգելելու որոշմանը։

«Հայաստանի Հանրապետության, ՀՀ ինքնիշխան տարածքի նկատմամբ անհարգալից վերաբերմունք դրսևորած, հայտարարություններ արած յուրաքանչյուր անձ, անկախ նրանից որևիցե այլ երկիր կներկայացնի, թե ոչ, բնական է, ՀՀ-ն դրան չի կարող անտարբեր լինել։ ՀՀ-ն մեզ համար կարմիր գիծ է, ՀՀ սահմանները կարմիր գիծ են, ուստի այդ բոլոր ընկերները, գործընկերները պետք է հաշվի նստեն այդ իրողության հետ»,- ասել է նա։

Ալեն Սիմոնյանը անդրադարձել է նաև RT-ի գլխավոր խմբագիր Մարգարիտա Սիմոնյանի մուտքը ՀՀ արգելելու լուրերին։ «Ես նման ինֆորմացիա չունեմ, բայց չեմ բացառում, որ թե ինքը, թե իր ամուսինը, թե հայկական ազգանունով տարբեր երկրների գործակալներ, մանկուրտներ, որոնք ՀՀ նկատմամբ, ՀՀ անկախության նկատմամբ, ՀՀ նախկին ղեկավարների նկատմամբ անհարգալից վերաբերմունք կդրսևորեն, արգելվի մուտքը»։