Կենսական նշանակության ճանապարհային ցանցի բարելավման ծրագրի շրջանակում, ի թիվս ՀՀ միջպետական և հանրապետական նշանակության ավտոճանապարհների տարբեր վթարավտանգ տեղամասերի, բարելավվում է նաև Սևանի տարածաշրջանի Դդմաշեն բնակավայրի տարածքում գտնվող վթարավտանգ կետը։ Հաղորդում է «Ճանապարհային դեպարտամենտը»։
Մասնավորապես, կատարվել է երթևեկելի մասի վերականգնում, անվտանգության տարրերի (ճանապարհային նշաններ, աղմկող շերտեր, արգելափակոցներ, նշագծում) տեղադրում: Աշխատանքները տարվում են Հ-29, Սևան-Ծաղկունք-Զովաբեր ավտոճանապարհի կմ11+000-կմ12+037 հատվածում՝ մոտ 1կմ երկարությամբ տեղամասում։ «Ճանապարհային դեպարտամենտ» հիմնադրամի կողմից իրականացվող ծրագիրը ֆինանսավորում են Համաշխարհային բանկը և ՀՀ կառավարությունը։
