Հայաստանում H1N1 հիվանդության մեկ դեպք է հայտնաբերվել. նախարար

ՀՀ առողջապահության նախարար Անահիտ Ավանեսյանը մանրամասներ է հայտնել Հայաստանում H1N1 հիվանդությամբ վարակվածության մասին։ Ըստ Ավանեսյանի, այս պահին ունենք 1 պացիենտ. 

«Նրա առողջական վիճակը բավարար է, ստանում է անհրաժեշտ բուժօգնությունը։ Բայց մենք պետք է շատ աչալուրջ լինենք, որովհետև գրիպի այս ենթաշտամերը բավական ագրեսիվ են, և քրոնիկ հիվանդություններով, նաև մանկահասակ երեխաների համար կարող են շատ ծանր հետևանքներ ունենալ»։

Նախարարը հորդորել է գրիպի դեմ պատվաստվել. 

«Գրիպի պատվաստանյութը ներառում է նաև այս շտամի հակամարմինները, և շատ կարևոր է, որ աշնանային ընթացքում պաշտպանության բավարար շերտ լինի»։ 

Նախարարը նշել է, որ գրիպի դեմ կարող են պատվաստվել նաև մինչև 12 տարեկան երեխաները։ Նա մանրամասնել է. 

«Գրիպի պատվաստանյութը մշակվում է ամեն տարվա շտամերի դեմ։ Այս պատվաստանյութը ներառում է չորս շտամի դեմ հակամարմին, որ այս տարի շրջանառվող շտամերն են»։