Հայաստանի ներկայացուցիչ Արթուր Դավթյանը դարձավ սպորտային մարմնամարզության աշխարհի չեմպիոն:
Անգլիայի Լիվերպուլ քաղաքում ընթացող աշխարհի առաջնության հենացատկի եզրափակիչում Տոկիոյի Օլիմպիական խաղերի բրոնզե մեդալակիր, աշխարհի գավաթակիր, Եվրոպական խաղերի չեմպիոն, Եվրոպայի չեմպիոն, կրկնակի փոխչեմպիոն և բրոնզե մեդալակիր Արթուր Դավթյանը հավաքեց 15,050 միավոր ու գրանցեց լավագույն արդյունքը:
Հիշեցնենք, որ որակավորման փուլում հայ մարզիկը հավաքել էր 14,900 միավոր, որը նույնպես լավագույն արդյունքն էր:
