Ռուսաստանի պաշտպանության նախարարությունը պաշտոնապես հայտարարել է Կուրսկի մարզի Սուջա քաղաքը գրավելու մասին, որը Ուկրաինայի զինված ուժերի վերահսկողության տակ էր անցած տարվա օգոստոսից: Նշվում է, որ ռուսական ուժերը գրավել են նաև Մելովոյ և Պոդոլ բնակավայրերը:
Կուրսկի շրջանում ռուսական ուժերի առաջխաղացման և Սուջա քաղաքի նկատմամբ վերահսկողությունը վերադարձնելու մասին Ռուսաստանից հնչող հայտարարությունների ֆոնին ՌԴ նախագահն այցելել է Կուրսկի հրամանատարական կետերից մեկը՝ հայտնում է Կրեմլը:
Ուկրաինայի նախագահ Վոլոդիմիր Զելենսկին, մեկնաբանելով Սուջայի մասին տեղեկությունները, հայտարարել է՝ Ուկրաինայի ռազմական հրամանատարությունն անում է այն, ինչ պետք է անի. հնարավորինս պահպանում է ուկրաինացի զինվորների կյանքը:
