Այդ կազմակերպություններից որ մեկին էլ զանգեք, 5 րոպե հետո բերելու են, վճարեն․ քաղաքապետ

Երևանի քաղաքապետ Հրաչյա Սարգսյանն անդրադարձել է քաղաքային բյուջեի մուտքերի հավաքագրման գործընթացին։

«Կազմակերպություններ կան՝ ավտոմեքենայի գույքահարկի գծով ունեն պարտավորություններ։ Երբ այդ կազմակերպությունների անուններն ես նայում ու պարտավորությունները, բավական անհասկանալի է, թե ո՞նց այդ կազմակերպություններն ունեն պարտավորություններ։ Սա ակնհայտ ցույց է տալիս, որ ձեր եկամուտների վարչությունները չեն աշխատում։ Վստահաբար ասում եմ՝ այդ կազմակերպություններից որ մեկին էլ զանգեք, 5 րոպե հետո բերելու են, վճարումն իրականացնելու են»,– արձագանքեց Հրաչյա Սարգսյանը։

Ըստ քաղաքապետի, այդ ցանկում 40 կազմակերպություն կա, որ կվճարի պարտքը․ «Բանկեր կան, վարկային կազմակերպություններ»,– ասաց Հրաչյա Սարգսյանը։

Նշենք, որ հավաքագրվել է 26 մլրդ դրամ՝ ավելին նախորդ տարվա համեմատ։