Թիվ 1-ի հատուկ հարցազրույցների շարքում ներկայացնում ենք «Քաղաքացիական պայմանագիր» խմբակցության քարտուղար Արթուր Հովհաննիսյանին։
Մեր օրակարգային թիվ 1 հարցերը` ՀՀ տարածքային ամբողջականության վերականգնումն է` 29800 քռ. կմ. և Լեռնային Ղարաբաղի ժողովրդի իրավունքների իրացումն ու անվտանգությունը,- նշեց պարոն Հովհաննիսյանը։
Նա նաև հավելեց, որ խաղաղության օրակարգը մեր օրակարգն է` մենք խաղաղության այլընտրանք չենք տեսնում, մենք պատերազմի հավանականությունը հնարավորինս պետք է նվազեցնենք` միջազգային գործընկերների աջակցությամբ: Եվ ես կարծում եմ, որ այս պահին հասել ենք այն նպատակին, որ մեր պատկերացրած խաղաղության օրակարգը կիսում են միջազգային հանրության բոլոր ներկայացուցիչները:
Եթե հնչում է քաղաքական գնահատական և արձանագրվում է այդ քաղաքական գնահատականի տեքստով, որ խախտվել է ՀԱՊԿ անդամ պետության սուվերեն տարածքը, ապա դրան պետք է հետևի գործողություն, եթե չի հետևում գործողություն` ՀԱՊԿ-ը չկա, որովհետև Ադրբեջանը չի ներխուժել միայն ՀՀ տարածք, այլ մտել է ՀԱՊԿ` խախտել է ՀԱՊԿ-ի սահմանները:
Պարոն Հովհաննիսյանը նշեց, որ 2018-ից սկսած մենք ամեն ինչ արել ենք, որ Արցախը վերադառնա բանակցային սեղան, և ոչ ոք չի կարող այս իրողությունը գնահատել, որպես Արցախից ձեռք քաշելու քայլ:
Երբ, որ մենք ամիսներ շարունակ հայտարարում ենք, որ միջանցքի վերաբերյալ պաշտոնական որևէ մակարդակում ոչ մի քննարկում չի եղել և մենք չենք էլ պատրաստվում մտնել այդ քննարկման մեջ և չենք էլ մտնի երբևէ, որովհետև մեզ համար շատ կարևոր է մեր տարածքով անցնող ճանապարհների սուվերենությունը` խորհրդարանական ընդդիմությունը շարունակում են պնդել, որ իշխանությունները պայմանավորվել են միջանցք տալու: Այս պահին` Երկիր մոլորակի վրա միա´յն Ալիևն է պնդում` ՀՀ իշխանությունները պայմանավորվել են իրենց հետ և մեր ընդդիմությունը, և այստեղ կարելի է հստակ եզրակացնել, որ ընդդիրները օտարերկրյա ազդեցության գործակալներ են:
Արցախում կազմակերպված հանրահավաքի վերաբերյալ բացի դրականից որևէ բան ասել չեմ կարող, Արցախի ժողովուրդը, այո´ ցույց տվեց, որ նրանք պատրաստ են կանգնել իրենց իրավունքների իրացման և անվտանգությունն ապահովելու համար և ՀՀ իշխանություններն ամեն ինչով աջակցում են այդ օրակարգում, բայց ես չեմ տեսնում, թե ընդդիմությունն ինչո՞վ է աջակցում,- եզրափակեց նա։
