Վաշինգտոնը խորհուրդ է տվել Ուկրաինայի իշխանություններին Մոսկվայի հետ բանակցություններում մտածել «իրատեսական պահանջների և առաջնահերթությունների մասին», այդ թվում՝ վերանայել իր դիրքորոշումը Ղրիմի վերաբերյալ, հայտնում է WSJ-ը։
Շատ ամերիկացի պաշտոնյաներ կարծում են, որ մոտակա շաբաթների կամ ամիսների ընթացքում ռուս-ուկրաինական բանակցությունների քննարկումը սկսելու հնարավորություն կստեղծվի, ասում են աղբյուրները:
ԱՄՆ ազգային անվտանգության հարցերով խորհրդական Ջեյք Սալիվանը Ուկրաինայի նախագահ Վլադիմիր Զելենսկու թիմին խորհուրդ է տվել մտածել Մոսկվայի հետ բանակցությունների «իրատեսական պահանջների և առաջնահերթությունների մասին», այդ թվում՝ վերանայել Կիևի դիրքորոշումը Ղրիմի վերաբերյալ, գրում է The Wall Street Journal-ը՝ վկայակոչելով երկու եվրոպացի դիվանագետների: Հրապարակման համաձայն՝ Սալիվանն այս հանձնարարականը փոխանցել է Զելենսկիին և նրա տեղակալներին նոյեմբերի 4-ին Կիև կատարած այցի ժամանակ։
