Թուրքիայում ձերբակալել են Ստամբուլի Իսթիկլալ պողոտայում ահաբեկչության մեջ կասկածվողին։
Երկրի ներքին գործերի նախարար Սուլեյման Սոյլուն հայտարարել է․ «Մեր գնահատականն այսպիսին է. մահասփյուռ ահաբեկչության գրոհի մասին հրամանը տրվել է Սիրիայի հյուսիսային Այն-էլ-Արաբից, որտեղ տեղակայված է Քրդական աշխատավորական կուսակցության (YPG) կենտրոնակայանը»։
Նա հաստատել է, որ հարձակման հետևանքով զոհվել է ութ մարդ, 81 հոգի վիրավորվել է։ Նրա խոսքով՝ 50 տուժած դուրս է գրվել հիվանդանոցներից, հինգը գտնվում է վերակենդանացման բաժանմունքներում։ Նա նաև ավելացրել է, որ երկու տուժած ծայրահեղ ծանր վիճակում է։ Նա նշել է, որ մինչև կասկածյալի ձերբակալությունը կալանավորվել էր 21 մարդ։
Նախարարի խոսքով․ «Ակնհայտ է, որ մեր, այսպես կոչված, դաշնակիցները, որոնք բարեկամ են համարվում, անկեղծ չեն և կամ թաքցնում են ահաբեկիչներին իրենց երկրում, կամ սնում են ահաբեկիչներին իրենց օկուպացրած տարածքներում ու նրանց փող ուղարկում սեփական սենատներից։ Թուրքիան առաջիկայում պատասխան միջոցներ կձեռնարկի ահաբեկչության հետ կապված»։
