Ռուսները Խերսոնում պատերազմի հանցագործություններ են կատարել․ Զելենսկի

Ուկրաինայի նախագահ Վլադիմիր Զելենսկին հայտարարել է, թե կան մեծ թվով փաստեր, որոնք վկայում են Խերսոնում ռուսների պատերազմի հանցագործությունների մասին: Դրանց թիվը մի քանի հարյուրի է հասնում:

«Քննիչներն արդեն փաստագրել են ռուսների կողմից ավելի քան 400 պատերազմական հանցագործություններ, հայտնաբերվել են զինծառայողների և խաղաղ բնակիչների մարմիններ: Խերսոնի շրջանում ռուսներից հետո մնացել են այն նույն բարբարոսության հետքերը, որոնք տեսել ենք երկրի այլ շրջաններում: Մենք կգտնենք և պատասխանատվության կենթարկենք յուրաքանչյուր մարդասպանին»,- ասել է Զելլենսկին:

Խերսոնում կամավորները մարդասիրական օգնություն են բաժանում ռուսների օկուպացիան վերապրած բնակիչներին:

Տեղական իշխանությունների փոխանցմամբ, իրավիճակը շատ բարդ է, քանի որ ռուսները՝ նահանջելուց առաջ, ոչնչացրել կամ ականապատել են կենսական նշանակության ենթակառուցվածքը:

«Հոսանք, ջուր, ինտերնետ, կապ, ջեռուցում չկա, բայց չկան նաև ռուսներ, դա է ամենակարևորը»,- ասում են բնակիչները:

Ուկրաինական իշխանությունները Խերսոնում երեկոյան ժամը 5-ից մինչև առավոտյան 8-ը պարետային ժամ են սահմանել: Ռուսները շարունակում են ռմբհահարել և հրթիռակոծել ուկրաինայի բնակավայրերը:

Աղբյուրը՝ Azatutyun.am