ՀՀ ԱԺ ութերորդ գումարման չորրորդ նստաշրջանի ընթացքում քննարկվում էր Կառավարության կողմից ներկայացված ԵԱՏՄ փոխադրումների հետագծման նավագացիոն կապարկիքների կիրառման մասին համաձայնագիրը վարվերացնելու օրենքի նախագիծը։
Նախագծի շրջանակներում ՔՊ խմբակցության պատգամավոր Խաչատուր Սուքիասյանը փորձեց ճշտել ՊԵԿ նախագահի տեղակալ Աշոտ Մուրադյանից, թե ինչպես կարող են օր առաջ հասնել այս համաձայնագրի կնքմանը։
«Հաշվի առնելով, որ սա ՀՀ–ի համար շատ կարևոր համաձայնագիր է, որի արդյունքում մենք կարող ենք էլեկտրոնային կամ նավիգացիոն կապարակնիքներով արագացնել մեքենաներով փոխադրումը, որոնք կանգնում էին երկար՝ հասցնելով ՀՀ տնտեսությանը մեծ վնասներ։ Ուզում եմ հասկանալ գործադիրը օրենսդիրի հետ ինչ կարող է անել, որ մեկ օր շուտ ճանաչեն մեր կապարակնիքները կամ համապատասխան տեխնիկական վերազինումն ինչ արագությամբ կարող ենք բերել, որը հնարավորություն կունենա կարդալ կամ տեսնել ինչ կա բեռնատարի մեջ։ Սա պետք է մեկ օր շուտ ունենալ՝ հաշվի առնելով, որ մեր տնտեսվարող սուբյեկտները բավականին մեծ վնասներ են կրում այդ հերթերի պատճառով»,– նշեց Սուքիասյանը։
Հարցին ի պատասխան՝ Մուրադյանը նշեց, որ համաձայանգիրն ունի 5 կողմ, ուստի անհրաժեշտ է, որ 5 կողմերն էլ իրենց երկրներում վավերցանեն այն, սակայն ՀՀ դրան չի սպասելու։ «Ռուսաստանի հետ երկկողմ հարաբերությունների շրջանակում և Վրաստանի հետ համաձայնություն ձեռք բերելու շրջանակում այս խնդիրներին կփորձենք արագ լուծում տալ։
Շատ շնորհակալ ենք պարլամենտական օգնություն առաջարկելու համար։
Վրաստանի հետ ունենք արդեն համաձայնագրի նախագիծ, որի արդյունքում հնարավորություն կունենանք Վրաստանի տարածքով այս նավիգացիոն կապարակնիքներով տրանսպորտային միջոցները տեղափոխել այլ երկրներ։ Այս նախագիծը ԱԳՆ–ում քննարկվում է, նախնական համաձայնությունը կա արդեն։
Սուքիասյանը նաև առաջարկեց, որ ԵԱՏՄ երկրների շրջանակներում սնունդը առաջնահերթ անցի, որպես հումանիտար ապրանք, որին ի պատասխան Մուրադյանը նշեց, որ ԵԱՏՄ հարթակնում քննարկվում էր առաջանային ապրանքների նախագիծը․ նա նշեց, որ կա սննդի համար նման օրենք՝ հավելելով, որ կճշտի արդյոք այն ուժի մեջ է մտել։
