Ուկրաինայի նախագահ Վլադիմիր Զելենսկիի կայքում ռուսների մուտքն Ուկրաինա արգելելու պահանջով պետիցիա (ստորագրագիր) է գրանցվել։
«Արգելել մուտքն Ուկրաինա Ռուսաստանի Դաշնության քաղաքացիներին, մուտքի արգելքի ժամկետը 100 տարի է»,- ասվում է միջնորդագրի տեքստում։
Ավելի վաղ նախագահական պորտալում տեղադրվել էր նմանատիպ խնդրագիր, որի հեղինակն առաջարկում էր առաջիկա 50 տարում ամբողջությամբ փակել բոլոր ռուսների մուտքը Ուկրաինա, նրանց բնակության թույլտվություն չտրամադրել, բացառությամբ՝ Կիևի կողմնակիցների։
Պետիցիան հավաքել է 25.000 ձայն, որն անհրաժեշտ է պետության ղեկավարի քննարկմանը անցնելու համար։
Պատասխանելով միջնորդությանը, Զելենսկին հանձնարարել է նախարարների կաբինետին «շարունակել համապատասխան աշխատանքները՝ հաշվի առնելով իրավիճակի զարգացումը և պետության ազգային շահերը պաշտպանելու անհրաժեշտությունը»։
