ՀՀ վարչապետ Նիկոլ Փաշինյանը այսօր կառավարության հերթական նիստին հայտարարեց, որ տեսչական մարմինները համակարգող գրասենյակի ղեկավարի և տեսչական մարմնի ղեկավարի պաշտոնանկությունը կախված է «Սուրմալու»-ի դեպքերի հետ:
«Երբ իմ տված ուղիղ, կոնկրետ հանձնարարականը չի կատարվել, երբ ես ասել եմ՝ գնացեք և կանխեք: Բեյրութի պայթյունից հետո հստակ հանձնարարական եմ տվել ասել եմ՝ գույքագրեք և բացառեք որևէ հնարավորություն, որ Հայաստանում նման բան կրկնվի: Այդ հանձնարարականից ուղիղ 2 տարի հետո տեղի է ունենում «Սուրմալու»-ի պայթյունը»,- ասաց նա:
Վարչապետն ասաց, որ անհատական պատասխանատվությունը շատ կարևոր բան է: «Վարչապետի կողմից տրված հանձնարարությունը չպետք է ես հիշեմ ու շաբաթը մեկ զանգեմ ասեմ՝ հիշո՞ւմ եք ձեզ ինչ հանձնարարական եմ տվել»,- ասաց նա:
