Երևանի փոխքաղաքապետ Տիգրան Ավինյանն անդրադարձել է նախընտրական քարոզարշավ իրականացնելու քննադատություններին։
Ավինյանի խոսքով. «Ես Երևանի փոխքաղաքապետ եմ, ով համակարգում և վերահսկում է վարչական շրջանների աշխատանքը, վարչական շրջանների ղեկավարների աշխատանքը։ Նման համակարգման գործառույթ նախկինում Երևանի փոխքաղաքապետերը չեն ունեցել, դա է պատճառը, որ ես իրականացնում եմ շրջայցեր՝ վարչական շրջանների ղեկավարների հետ, և իրականում կարծում եմ՝ շատ տրամաբանական է, որ հենց այդ աշխատանքն իրականացնելու համար պետք է փաստացի տեղում ծանոթանալ խնդիրներին, որովհետև այլ որակի ու այլ տեսակի ինֆորմացիա ես ստանում»։
Տիգրան Ավինյանը նաև հիշեցրել է, որ կորոնավիրուսի համավարակի օրերին, լինելով պարետ, ինքն ամենօրյա կապի մեջ է եղել քաղաքացիների հետ։
