Ուկրաինայում պատերազմի ավարտի շուրջ բանակցությունների հետ կապված բոլոր հարցերը պետք է հասցվեն հանրությանը, ասել է Վլադիմիր Զելենսկին ուկրաինական լրատվամիջոցների ներկայացուցիչների հետ զրույցում։
Ուկրաինայի նախագահը լրագրողներին ասել է, որ ռուսական կողմի հետ հնարավոր բանակցությունների վերաբերյալ որոշակի ազդանշաններ է ստացել այլ երկրների ղեկավարներից։ Ինչպես ընդգծել է Զելենսկին, Ռուսաստանը լայնամասշտաբ ագրեսիվ պատերազմ է վարում Ուկրաինայի դեմ, ուստի ցանկացած բանակցություն պետք է անցկացվի հրապարակային, այլ ոչ թե կուլիսներում։
Նրա խոսքով, որպեսզի համաշխարհային առաջնորդները հարցեր չունենան բանակցություններին Ուկրաինայի պատրաստակամության վերաբերյալ, նա G20-ի գագաթնաժողովում առաջարկել է տասը քայլ՝ երկրում խաղաղությունը վերականգնելու համար։
«Ես հավատում եմ, որ սա է ամբողջ աշխարհի խաղաղության բանաձեւը։ Որովհետև յուրաքանչյուր պետություն կարող է այնտեղ գտնել իր տեղը և առաջնորդ լինել այս կամ այն նախաձեռնությամբ՝ հաղթահարելով այս տասը կետերի այս կամ այն կետի դժվարությունները»,- մեջբերում է Զելենսկիի մամուլի ծառայությունը։
Աղբյուրը՝ Meduza.io
