Թիվ 1 հարցազրույցների շարքում ներկայացնում ենք «Հայաստան» խմբակցության քարտուղար Արծվիկ Մինասյանին։
Պարոն Մինասյանը նշեց, որ Նիկոլ Փաշինյանը հրապարակային, ասում է, որ նա Արցախը ներկայացնելու իրավունք չունի, որովհետև Արցախի ժողովրդի կողմից չի ընտրվել, բայց հենց երկրորդ պահին սկսում է Արցախի ճակատագրի մասին որոշումներ կայացնել, որի արդյունքում Արցախի Հանրապետության տարածքները հանձնվում են թշնամուն ու նոր սպառնալիք է բերում Հայաստանի վրա։ Եթե Քարվաճառից, Սանասարից, Քաշաթաղից զորքերը հետ չքաշվեին, ապա ինչու՞ պետք է ադրբեջանական զինուժը հայտնվեր Ջերմուկի, Կապանի, Գորիսի մատույցներում։
Մեր աջակիցների այն հատվածը, որը այս պահին չի ընկալել մեր խորհրդարան գալու շարժառիթը, ուզում եմ հստակեցնել, որ նպատակը մեկն է՝ կարողանանք հավելյալ, լրացուցիչ օգտագործել նաև այս գործիքը, որպեսզի ԱԺ-ի օրակարգ բերենք հարցեր, որոնք մեր անվտանգության Թիվ 1 մարտահրավերների դիմագրավմանն են ուղղված։ Մենք հետևողականորեն մեր օրակարգի մեջ ենք։
Նա եզրափակեց՝ գրեթե ամեն օր Ադրբեջանը իր սանձարձակ և ցեղասպան քաղաքականության պահվածքով՝ անընդհատ լարվածություն է ստեղծում, թե՛ շփման գծում, թե՛ ՀՀ բուն տարածքում, թե՛ Արցախի Հանրապետությունում։
