Ատոմային էներգիայի միջազգային գործակալության (ՄԱԳԱՏԷ) Կառավարիչների խորհուրդը բանաձեւ է ընդունել, որով կոչ է անում Ռուսաստանին անհապաղ դուրս բերել իր զինվորականներին և այլ անձնակազմին գրավված Զապորոժիեի ատոմակայանից։

Բանաձևի հեղինակները կոչ են արել Ռուսաստանին հրաժարվել կայանի սեփականության անհիմն պահանջներից և թույլ տալ ուկրաինական կողմին մտնել Զապորոժիեի ատոմակայան, որպեսզի նա կարողանա վերականգնել ատոմակայանի նկատմամբ վերահսկողությունը՝ ապահովելու նրա անվտանգությունը:

Փաստաթուղթում նաև հայտնում է մտահոգություն կայանի ուկրաինական անձնակազմի վրա ճնշումների, հրետակոծության հետևանքով արտաքին էլեկտրամատակարարման կրկնակի ընդհատումների և ուկրաինական միջուկային օբյեկտներում «բոլոր գործողությունները դադարեցնելու» նախորդ կոչերին ականջալուր լինելու Ռուսաստանի մերժման վերաբերյալ։

Reuters-ի փոխանցմամբ՝ սա Ուկրաինայում պատերազմի սկզբից ի վեր ՄԱԳԱՏԷ-ի երրորդ բանաձեւն է, որով կոչ է արվում Ռուսաստանին դադարեցնել ռազմական գործողությունները ուկրաինական միջուկային օբյեկտներում։ Նոր փաստաթուղթը փակ քվեարկությամբ պաշտպանել են խորհուրդը կազմող 35 երկրներից 24-ի ներկայացուցիչները։ Դեմ են քվեարկել ևս յոթը։ Ըստ Reuters-ի աղբյուրների՝ դրանց թվում են Ռուսաստանը և Չինաստանը։

Մեկնաբանելով բանաձեւը՝ Վիեննայում միջազգային կազմակերպություններում Ռուսաստանի Դաշնության մշտական ​​ներկայացուցչությունը մեղադրել է ՄԱԳԱՏԷ-ին գործակալության աշխատանքը «քաղաքականացնելու» մեջ։ Ռուս դիվանագետներն ինքնին փաստաթուղթն անվանել են «ոչ պրոֆեսիոնալ» և «սխալներ պարունակող»:

Աղբյուրը՝ Meduza.io