Twitter-ի հարյուրավոր աշխատակիցներ հրաժարական են տվել նոր ղեկավար միլիարդատեր Իլոն Մասկի վերջնագրից հետո․ այս մասին գրում է New York Times-ը՝ հղում անելով կորպորատիվ աղբյուրներին:
Ինչպես ավելի վաղ հաղորդվել էր, գործարարը չորեքշաբթի օրը հրավիրել է իր աշխատակիցներին ժողովի՝ որոշելու՝ կմնա՞ն ընկերությունում, թե՞ կստանան երեք ամսվա արձակման վճար։ Միաժամանակ, մնացած անձնակազմը կաշխատի «երկար ժամերով և բարձր ինտենսիվությամբ»։
Հրատարակության տվյալներով՝ վերջնաժամկետից հետո՝ «հարյուրավոր աշխատակիցներ» որոշել են հեռանալ աշխատանքից և ստանալ նպաստներ։
Բացի այդ, ԱՄՆ-ում Twitter-ի օգտատերերը հայտնել են սոցցանցում խափանումների մասին, հայտնում է Downdetector կայքը, որը վերահսկում է հանրահայտ առցանց ռեսուրսների խափանումները:
