Մոսկվայի կենտրոնում այրված շենքի փլատակների տակից փրկարարները դուրս են բերել վեց մահացածի դի, հայտնում է Մոսկվայի ԱԻՆ Գլխավոր վարչությունը։
Ավելի ուշ ԱԻՆ-ից հայտնել են, որ Կոմսոմոլսկայա հրապարակում բռնկված հրդեհի զոհերի թիվը հասել է 7-ի։
Նոյեմբերի 20-ին խոշոր հրդեհ է բռնկվել Մոսկվայի կենտրոնում գտնվող երկհարկանի աղյուսե շենքում։ Հաղորդվում է, որ բռնկված տարածքում գտնվել է կահույքի և լուսավորության խանութ, ինչպես նաև ծաղկի խանութի պահեստ։ Հրդեհի ընդհանուր մակերեսը կազմել է 2500 քմ։
Հրդեհի մարմանը ներգրավվել է 35 միավոր տեխնիկա, այդ թվում՝ երեք ուղղաթիռ և հրշեջ գնացք։ Ծաղկի պահեստի հրդեհն ամբողջությամբ մարվել է միայն ինը ժամ անց։ Շենքն ամբողջությամբ այրվել է, իսկ հարկերի միջև ընկած առաստաղները փլուզվել են։
Արտակարգ իրավիճակների նախարարության գլխավոր վարչությունում հրդեհի հնարավոր պատճառներ են անվանվել էլեկտրական տաքացուցիչի անսարքությունը և էլեկտրացանցերի վթարային աշխատանքը։
Աղբյուրը՝ currenttime.tv
