Նոյեմբերի 19-ի ցերեկը Սանկտ Պետերբուրգի մոտակայքում Բելոուսովո-Լենինգրադ հիմնական գազատար է պայթել, որին հաջորդել է հրդեհ, հաստատել են Սանկտ Պետերբուրգի «Գազպրոմ Տրանսգազ»-ը։
Պայթյունը տեղի է ունեցել Սանկտ Պետերբուրգի սահմանի մոտ գտնվող Բերնգարդովկա և Կովալևո գյուղերի միջև ընկած հատվածում։ Արդյունքում խոշոր հրդեհ է բռնկվել նաեւ Լենինգրադի մարզի Վսեվոլոժսկի շրջանի գազալցակայանում, իր Telegram ալիքում հայտնել է մարզի նահանգապետ Ալեքսանդր Դրոզդենկոն։
«Վսևոլոժսկի մերձակայքում գտնվող գազալցակայանում հրդեհը մարվում է փրկարարական երկու խմբերի կողմից»,- ասվում է հաղորդագրությունում։ Նահանգապետը և շահագործող ընկերությունը հայտնել են, որ զոհեր չկան, սակայն չեն հայտնել, թե որն է պայթյունի պատճառ:
Լենինգրադի մարզի նահանգապետը վստահեցրել է, որ բնակչությանը սպառնացող վտանգ չկա, հրդեհի տարածում դեպի բնակելի թաղամասեր։
Աղբյուրը՝ currenttime.tv
Թարգմանեց՝ Աստղ Խաչատրյանը
