ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը պետք է աշխուժացնի իր ռազմական կարողությունները՝ Ուկրաինային «երկարաժամկետ հեռանկարում» աջակցելու համար:
Կիրակի օրը «Rosemary Barton Live»-ին տված հարցազրույցում Ստոլտենբերգն ասել է, որ դաշինքը սպառել է զենքի և զինամթերքի իր պաշարների մեծ մասը և պետք է աշխատի արտադրությունն ուժեղացնելու վրա, որպեսզի շարունակի իր աջակցությունն Ուկրաինային:
Ստոլտենբերգը նաև հայտնել է, որ դաշինքի երկրները պետք է պատրաստ լինեն վճարել որոշակի գին՝ ի դեմս էներգիայի ավելի մեծ ծախսերի և այլ տնտեսական հետևանքների, որպեսզի ուժեղացնեն Ուկրաինայի պաշտպանությունը:
«Մենք պետք է հիշենք, որ մեր վճարած գինը չափվում է փողով, իսկ գինը, որը վճարում է Ուկրաինան, չափվում է կյանքերով, արյունով՝ ամեն օր, և մեր պարտավորությունն է աջակցել նրանց»,- հավելել է Ստոլտենբերգը։
