Եվրահանձնաժողովն առաջարկել է հունվարի 1-ից մեկ տարով գազի գնի վերին շեմ սահմանել

Եվրահանձնաժողովն առաջարկել է 2023 թվականի հունվարի 1-ից մեկ տարով գազի գնի վերին շեմ սահմանել, հաղորդում է Reuters-ը։

Գների սահմանափակման գաղափարի հարցում ԵՄ երկրները տարակարծիք են։ Հանձնաժողովի վերջին առաջարկը հինգշաբթի կքննարկվի դաշինքի անդամ 27 երկրների էներգետիկայի նախարարների կողմից։ ԵՄ պաշտոնական ներկայացուցիչը հայտարարել է, որ հանձնաժողովը կառաջարկի ավելի բարձր գին, քան ցանկանում են սահմանափակման կողմնակիցները:

Դիվանագետներից մեկն ասել է, որ շեմը կկազմի մոտ 150-180 եվրո մեկ ՄՎտ/ժ համար, որպեսզի սահմանափակումն ակտիվանա տարին մի քանի անգամ: «Հակառակ դեպքում մենք թղթի վրա գնային շեմ կունենանք, որը գործնականում երբեք չի աշխատի»,-ասել է նա։

Հինգշաբթի նախարարները կքննարկեն սահմանափակման բանաձեւն ու ճշգրիտ շեմը։

Ըստ աղբյուրների՝ ԵՄ երկրները, քիչ հավանական է, որ համաձայնության կգան։