Կառավարության նիստում արդարադատության նախարարի պաշտոնակատար Գրիգոր Մինասյանը տեղեկացրել է, որ կստեղծի միասնական օպերատորական խումբ, և քաղաքացիներն այլևս ստիպված չեն լինի ոստիկանություն կամ ԱԻՆ զանգահարել տարբեր հեռախոսահամարներով։
Նիկոլ Փաշինյանը ևս կարևորել է միասնական կանչի գաղափարը. «Երբ մարդը մեկ խնդիր ունի, պետք է իմանա, որ մեկ հեռախոսահամարով պետք է կանչ իրականացվի»։
Նա նշել է, որ ՀՀ առողջապահության նախարարությունը մտահոգություն ունի. «Խոսքը կանչի և շտապօգնության բրիգադի՝ տեղ հասնելու ժամանակային միջազգային ստանդարտի մասին է։ Մենք այդ ստանդարտը պետք է պահպանենք։ Հարցը կդիտարկենք, բայց կարծում եմ՝ բոլոր դեպքերում լուծումները կան»։
