ՌԴ ԱԳՆ ներկայացուցիչ Մարիա Զախարովան անդրադարձել է հայ-ադրբեջանան սահմանին հրադադարի խախտումներին։
«Մենք ելնում ենք Ռուսաստանի, Ադրբեջանի և Հայաստանի ղեկավարների բոլոր եռակողմ հայտարարությունների դրույթները խստորեն կատարելու անհրաժեշտությունից, ներառյալ հոկտեմբերի 31-ին Սոչիի գագաթնաժողովի պայմանավորվածությունները ուժի չկիրառման կամ դրա կիրառման սպառնալիքի մասին։ Կարեւոր ենք համարում զերծ մնալ սադրիչ հռետորաբանությունից, որը կարող է հանգեցնել տարածաշրջանում իրավիճակի սրման»,- ճեպազրույցում ասել է ՌԴ ԱԳՆ պաշտոնական ներկայացուցիչը։
Նա հավելել է, որ Ռուսաստանը կշարունակի աշխատել հայ-ադրբեջանական հարաբերությունների կարգավորման ուղղությամբ։
