Թիվ 1 ստուդիան հյուրընկալել է ՀՀ Էկոնոմիկայի նախարար Վահան Քերոբյանին։
Պարոն Քերոբյանը նշեց, որ բոլոր ոլորտներում ունենք զգալի աճ՝ արտադրողականությունն է աճել, ներդրումների ծավալն է 51 տոկոսով աճել անցած տարվա նույն ժամանակահատվածի համեմատ, այնպես որ մեր տնտեսությունը գտնվում է լավ վիճակում։
Նա հավելեց, որ տնտեսությունն իրեն զգում է ավելի լավ, քան երբևէ։ Մենք ունենք շատ բարձր տնտեսական աճ, ստեղծվել է 40․000-ից ավել նոր աշխատատեղեր, որը երբևիցե չի եղել Հայաստանի տնտեսական կյանքում։
Իհարկե, բարձր գնաճը և դրամի արժևորումը իրար հետ բերել են որոշ հարցերի սրացմանը, որոնք ընդհանուր ներկապնակի մեջ որոշակի դրվագներ են, բայց` կարևոր դրվագներ։ Կառավարությունը և Էկոնոմիկայի նախարարությունը հետևողականորեն փորձում են երկարացնել արտադրողական շղթաները, դուք գիտեք` մենք այդ գործիքակազմը կիրառել ենք բազմաթիվ անգամներ, այդ թվում` արգելելով կաշվի, մետաղի ջարդոնի արտահանումը՝ մղելով ներդրողներին տեղում վերամշակել։
Այսօր Հայաստանում արդյունահանվում է ոսկի, որը իհարկե տեղում չի դառնում վերջնական արտադրանք և միգուցե ոսկերչական արտադրանք, այնուամենայնիվ` մենք այդ ուղղությամբ ևս աշխատում ենք, և գուցե ինչ-որ պահի այդ ոլորտում ևս, իհարկե` բոլոր կողմերի համաձայնությությամբ, գուցե փակենք արտադրական շղթան, այնպես անենք, որ հայկական ոսկին՝ ոսկու հանքը դառնա ոսկերչական զարդ և այդ տեսքով արտահանվի, որը կապահովի ամենաբարձը հավելյալ արժեքը,- եզրափակեց Քերոբյանը։
