Լեմկինի անվան Ցեղասպանության կանխարգելման միջազգային ինստիտուտը հայտարարություն է տարածել, որում իր համերաշխությունն է հայտնել Արցախի Հանրապետության ժողովրդին.
«Արցախի շրջանը (Լեռնային Ղարաբաղ) հազարավոր տարիներ բնակեցված է եղել հայերով։ Տարածաշրջանում հայերի մասին հիշատակումները վերաբերում են առնվազն մ.թ.ա. 6-րդ դարին: Չնայած տարածաշրջանն ընկել է տարբեր կայսրությունների վերահսկողության տակ, սակայն այնտեղ լեզուն և մշակույթը միշտ մնացել են հայերեն։ Ադրբեջանը ներկայում հավակնություններ ունի Արցախի նկատմամբ։
Խորհրդային Միության օրոք Արցախը Ադրբեջանական ԽՍՀ կազմում ուներ ինքնավար մարզի (ԼՂՀ) կարգավիճակ։ Խորհրդային տիրապետությունը զսպեց ադրբեջանցի ազգայնականների հայատյացությունը, որոնք Ադրբեջանը դիտարկում էին որպես պանթյուրքիստական աշխարհի մաս, որը կապում է Կենտրոնական Ասիան Հարավարևելյան Եվրոպայի հետ: Հիշեցնում ենք բոլորին, որ ինքնորոշման իրավունքը հիմնարար է միջազգային իրավական համակարգում։ Արցախի ժողովուրդն արժանի է, որ միջազգային հանրության կողմից լրջորեն ընդունվի ինքնորոշման իր կոչերը»,- նշված է ինստիտուտի զեկույցում։
Լեմկինի ինստիտուտը կոչ է արել ստեղծել անկախ միջազգային հանձնաժողով, որը կուսումնասիրի Արցախում առկա խնդիրները՝ նպատակ ունենալով հաստատել արդար և կայուն խաղաղություն։
