Բանտում գտնվող Վրաստանի նախկին նախագահ Միխեիլ Սաակաշվիլիի բժշկական անալիզները ցույց են տվել, որ նրա օրգանիզմում մկնդեղ կա։ Այս մասին երկուշաբթի հայտարարել է Սաակաշվիլիի փաստաբան Շալվա Խաչապուրիձեն։
«Մենք դեռ չենք ստացել եղունգների անալիզը, դրանք այսօր կստացվեն, բայց հեռախոսով պարզվեց, որ հետազոտության ժամանակ եւս մեկ [թունավոր] նյութ՝ մկնդեղ է հայտնաբերվել», – փաստաբանի խոսքը մեջբերել է Мtavari-ն։
Երկուշաբթի՝ երկար ժամանակվա ընթացքում առաջին անգամ, ակնկալվում է, որ Սահակաշվիլին ներկա կլինի սահմանի անօրինական հատման գործով դատական նիստին, ասել է փաստաբանը:
«Որպեսզի մեր պատճառով դատական գործընթացը չխափանվի, չհետաձգվի, նա որոշել է, որ այսօր կներկայանա նիստին», – ասել է փաստաբանը։
Նրա խոսքով՝ Սաակաշվիլին ծանր վիճակում է եւ նրա տեղափոխման համար հատուկ աթոռ կպահանջվի։
Ավելի վաղ Սաակաշվիլիի փաստաբան Վալերի Գելբախիանին, ինչպես նաև նախկին նախագահի մայրը՝ Գիուլի Ալասանիան հայտնել էին ծանր մետաղներով, այդ թվում՝ սնդիկով նրա հնարավոր թունավորման մասին։
