Ցանկացած գործադիր իշխանության համար շատ դժվար կլինի աշխատել, եթե օրենսդիրը որոշի գնալ գործադիրի կամքին դեմ։ Դա կբերի լուրջ ճգնաժամի, և ցավոք, այո, մեր երկրում ավանդույթներն այնպիսին չեն, որպեսզի ավանդույթների ուժով այդ հարցերը լուծվեն, քաղաքական մշակույթն այդքան զարգացած չի։
Մեկ ու կես տարի առաջ Ազգային ժողովի ընտրությունների ժամանակ ինչ էր խոսվում՝ մուրճ, պողպատե մանդատ, և դա բավականին պոպուլյար էր։ Եվ «Պողպատե մանդատը» բերեց նրան, որ Մնացական Մարտիրոսյանը, ով քսան տարի խայտառակել է դատական համակարգը, նշանակվում է Հակակոռուպցիոն դատավոր։ Դրա արդյունքում մենք ունենալու ենք դատական համակարգի նկատմամբ հանրային վստահության անկում, դրա արդյունքում մենք առհասարակ ունենալու ենք պետության նկատմամբ վստահության անկում, դրանից բխող բոլոր հետևանքներով,- ասաց Իոաննիսյանը։
