Գիտեք, որ մեր քաղաքապետի թեկնածուն Տիգրան Ավինյանն է և այն աշխատանքը, որ այս ընթացքում իրականացրել ենք քաղաքապետարանում, դա որպես այդպիսին արդեն, կիսում ենք պարոն Ավինյանի հետ: Այս մասին այսօր՝ նոյեմբերի 30-ին, լրագրողների հետ զրույցում նշել է Երևանի քաղաքապետ Հրաչյա Սարգսյանը:
Դիտարկմանը, թե այսինքն քարոզարշավ է իրականացնում Տիգրան Ավինյանը, քաղաքապետն արձագանքել է. «Ես քարոզարշավի մասին չեմ խոսում, պրակտիկ խնդիրների մասին եմ խոսում: Ես Լեհաստանում եմ եղել, գործարանում, որտեղ «MAN» ավտոբուսներն են արտադրել, տեխնիկական վերահսկողություն պետք է իրականացվեր: Մենք քննարկում ենք իրականացրել, նաև այս 18 մետրանոց ավտոբուսների մասով ենք արդեն նախագծել, թե ինչ տրամաբանությամբ պետք է ձեռք բերվի: Այդ քննարկմանը նաև պարոն Ավինյանը ներկա է եղել, ես այդտեղ խնդիր չեմ տեսնում»։
